டோக்கியோ ஒலிம்பிக்: அமெரிக்காவைவிட 11 தங்கம் அதிகமாக வென்று பதக்கப் பட்டியலில் சீனா தொடர்ந்து முதலிடம்

   
டோக்கியோ ஒலிம்பிக்கில் அமெரிக்கா 22 தங்கத்துடன் 66 பதக்கங்கள் பெற்று 2-வது இடத்தில் உள்ள நிலையில், சீனா தொடர்ந்து முதலிடம் வகிக்கிறது.

டோக்கியோ ஒலிம்பிக்: அமெரிக்காவைவிட 11 தங்கம் அதிகமாக வென்று பதக்கப் பட்டியலில் சீனா தொடர்ந்து முதலிடம்

டோக்கியோ ஒலிம்பிக்கில் சீனா, அமெரிக்கா வீரர்கள்- வீராங்கனைகள் ஆதிக்கம் செலுத்தி வருகின்றனர். இரு நாடுகளும் போட்டியை நடத்தும் ஜப்பானை பின்னுக்குத்தள்ளி முறையே முதல் இரண்டு இடங்களை வகிக்கின்றன.

இன்று மதியம் 2 மணி நிலவரப்படி சீனா 31 தங்கம், 19 வெள்ளி, 16 வெண்கலப் பதக்கம் பெற்று முதலிடத்தில் உள்ளது. அமெரிக்கா 22 தங்கம், 27 வெள்ளி, 17 வெண்கலப் பதக்கம் பெற்று 2-வது இடத்தில் உள்ளது. இதுவரைக்கும் பதக்க எண்ணிக்கையில் அமெரிக்கா முன்னிலையில் இருந்து வந்தது. தற்போது இரு நாடுகளும் தலா 66 பதக்கங்கள் வென்றுள்ளன.

ஜப்பான் 18 தங்கம், 6 வெள்ளி, 10 வெண்கலத்துடன் 3-வது இடத்தில் உள்ளது. ஆஸ்திரேலியா (14, 4, 15) 4-வது இடத்திலும், கிரேட் பிரிட்டன் (13, 13, 13) 5-வது இடத்திலும் உள்ளன. ரஷ்யா 12, 21, 17 என் அடிப்படையில் 6-வது இடத்தை பிடித்துள்ளது.

Tags :

Share via