திருச்சி - அபுதாபி இடையே கூடுதல் விமான சேவை.. ஆகஸ்ட் மாதத்தில் தொடக்கம்..
திருச்சியில் இருந்து அபுதாபிக்கும், அபுதாபியில் இருந்து திருச்சிக்கும், வரும் ஆகஸ்ட் 11ஆம் தேதி முதல் கூடுதலாக 4 விமான சேவைகள் தொடங்க உள்ளதாக இண்டிகோ அறிவித்துள்ளது.
அபுதாபி மற்றும் திருச்சி இடையே, திங்கள், புதன், வெள்ளி மற்றும் ஞாயிற்றுக்கிழமை என வாரத்தில் 4 முறை விமானங்கள் இயக்கப்படும். அபுதாபியில் இருந்து இண்டிகோ விமானம் 00.55 மணிக்கு புறப்பட்டு, காலை 06.30 மணிக்கு திருச்சியை சென்றடையும்.
அதேபோல மறுமார்க்கமாக, திருச்சியில் இருந்து காலை 7:30 மணிக்கு புறப்பட்டு, காலை 10 மணிக்கு அபுதாபி வந்தடையும்.மேலும், இதற்கான முன்பதிவுகள் இப்பொழுது தொடங்கப்பட்டுள்ளது. திருச்சி மற்றும் அபுதாபி இடையே 3 ஆக இருந்த விமான சேவை, இப்பொழுது 7 ஆக உயர்ந்துள்ளது.
Tags : திருச்சி - அபுதாபி இடையே கூடுதல் விமான சேவை.. ஆகஸ்ட் மாதத்தில் தொடக்கம்..
