தலைக் கவசம் இல்லாமல் இரு சக்கர வாகனத்தை ஓட்டிய தி.மு.கழக தொண்டர்களுக்கு அறிவுரை கூறிய கனிமொழி கருணாநிதி

by Editor / 10-09-2024 11:47:10pm

தூத்துக்குடி மக்களவைத் தேர்தலில் இந்தியா கூட்டணி சார்பில் திமுக வேட்பாளராக 2-வது முறையாகப் போட்டியிட்டு அதிக வாக்குகள் வித்தியாசத்தில் வெற்றி பெற்ற திமுக துணைப் பொதுச் செயலாளரும்,நாடாளுமன்ற குழுத் தலைவருமான கனிமொழி கருணாநிதி, ஸ்ரீவைகுண்டம் சட்டமன்ற தொகுதிக்குட்பட்ட பகுதியில் மக்களை சந்தித்து நன்றி தெரிவித்தார்.

தொடர்ந்து, கனிமொழி எம்.பி வாக்காளர்களுக்கு நன்றி தெரிவிக்க அடுத்த இடத்திற்குச் செல்லும் பொது, வாழவல்லான் ஏரல் சாலையில் - தனது வாகனத்தை நிறுத்தி, வாகனத்தை பின் தொடர்ந்த தி.மு.கழக தொண்டர்களுக்கு, தலைக் கவசம் இல்லாமல் இரு சக்கர வாகனத்தை ஓட்டக் கூடாது என்று அறிவுரை கூறினார். அவர்களுடன் புகைப்படம் எடுத்துக்கொண்ட கனிமொழி, பத்திரமாக வீட்டுக்குச் செல்லும்படி கூறினார்.