பாதுகாப்பு தொடர்பான ரகசியங்களை பாகிஸ்தானுக்கு வழங்கிய இருவர் கைது.
உத்திரப்பிரதேசத்தில் பாதுகாப்பு தொடர்பான ரகசியங்களை பாகிஸ்தானுக்கு வழங்கியதாக இருவர் கைது செய்யப்பட்டுள்ளனர்.
1. ரவீந்திர குமார் – ஃபிரோசாபாத் ஆயுதத் தொழிற்சாலையில் சார்ஜ் மேனேஜராக பணியாற்றிய இவர், முக்கிய பாதுகாப்பு ஆவணங்களை "நேஹா சர்மா" என்ற ஒருவருக்கு அனுப்பியதால் கைது செய்யப்பட்டார். நேஹா சர்மா பாகிஸ்தான் உளவு அமைப்பு ஐ.எஸ்.ஐ. யுடன் தொடர்புடையவராக இருக்கலாம் என சந்தேகம் எழுந்துள்ளது.
2. குமார் விகாஸ் – கான்பூர் ஆயுத தொழிற்சாலையில் ஜூனியர் மேனேஜராக இருந்த இவர், ராணுவ ரகசியங்களை ஐ.எஸ்.ஐ.யுடன் தொடர்புடையவருக்கு வழங்கியதாக கைது செய்யப்பட்டார்.
இருவரும் சமூக ஊடகங்களில் (ஃபேஸ்புக், வாட்ஸ்அப்) தொடர்பு கொண்டு, நேரில் சந்திக்காமல் தகவல்களை பகிர்ந்ததாக தெரிகிறது. "நேஹா சர்மா" உண்மையில் பெண்ணா அல்லது உளவாளி பெயரா என்பது விசாரணை செய்யப்படுகிறது. உ.பி பயங்கரவாத எதிர்ப்பு பிரிவு இருவரையும் கைது செய்துள்ளது.
Tags : பாதுகாப்பு தொடர்பான ரகசியங்களை பாகிஸ்தானுக்கு வழங்கிய இருவர் கைது.
