முன்னாள் குடியரசுத் தலைவர் வருகை தென்காசி மாவட்டத்தில் 600 போலீசார் பாதுகாப்பு.
தென்காசி மாவட்டத்திற்கு 3 நாள் சுற்றுப்பயணமாக வருகை தந்துள்ள முன்னாள் குடியரசுத் தலைவர் ராம்நாத் கோவிந்த் இன்றைய தினம் தென்காசி நகரப் பகுதியில் உள்ள காசி விஸ்வநாதர் ஆலயத்தில் சுவாமி தரிசனம் செய்ய உள்ள நிலையில், அவர் சுவாமி தரிசனம் செய்ய உள்ள நேரத்திற்கு ஒரு மணி நேரத்திற்கு முன்பாக காசி விஸ்வநாதர் ஆலயத்தில் தரிசனம் செய்ய பக்தர்களுக்கு தடை விதிக்கப்பட்டது.
தொடர்ந்து, முன்னாள் குடியரசுத் தலைவர் ராம்நாத் கோவிந்த் தரிசனத்தை முடித்துவிட்டு புறப்பட்டவுடன் வழக்கம்போல் பக்தர்களுக்கு அனுமதி வழங்கப்பட்டது.தொடர்ந்து அங்கிருந்து ஆய்க்குடி அமர்சேவா சங்கத்திற்கு சென்று பாரவையிட்ட அவர்
அங்கிருந்து வாசுதேவநல்லூர் பகுதியில் செயல்பட்டு வரும் தனியார் கல்லூரியில் நடைபெற உள்ள ஒரே தேசம், ஒரே கனவு என்ற நிகழ்ச்சியில் பங்கேற்ற நிலையில் நிகழ்ச்சிக்குப் பின்னர் மதிய உணவை தனியார் மென்பொருள் நிறுவனத்தில் முடித்துக்கொண்டு ஓய்வு எடுத்து வருகிறார்.மாலை பழைய குற்றாலம் பகுதிக்கு வருகை தந்து குடும்பத்தினருடன் அருவியில் குளிக்க திட்டமிட்டுள்ளதாக கூறப்படுகிறது.
இந்த நிலையில், முன்னாள் குடியரசுத் தலைவர் ராம்நாத் கோவிந்தின் வருகையை ஒட்டி மாவட்டம் முழுவதும், காவல் கண்காணிப்பாளர் அரவிந்த் தலைமையில் இரண்டு ஏ.டி.எஸ்.பிக்கள், 4 டிஎஸ்பிக்கள் அடங்கிய 600 போலீசார் பாதுகாப்பு பணியில் அமர்த்தப்பட்டு கண்காணிப்பு பணியும் தீவிரப் படுத்தப்பட்டுள்ளது குறிப்பிடத்தக்கது.
Tags : முன்னாள் குடியரசுத் தலைவர் வருகை தென்காசி மாவட்டத்தில் 600 போலீசார் பாதுகாப்பு
