நீதிபதியின் பேச்சுக்கு கே.எஸ்.அழகிரி கண்டனம்
பாதுகாப்பு காரணங்களுக்காக வாகனம் நிறுத்தப்பட்ட விவகாரத்தில், உயா்நீதிமன்ற நீதிபதி என்.ஆனந்த் வெங்கடேஷ் பேச்சுக்கு தமிழ்நாடு காங்கிரஸ் கமிட்டி தலைவா் கே.எஸ்.அழகிரி கண்டனம் தெரிவித்துள்ளாா்.
இது தொடா்பாக ஞாயிற்றுக்கிழமை அவா் வெளியிட்ட அறிக்கை: நடிகா் திலகம் சிவாஜி கணேசனின் பிறந்தநாள் விழா அக்.1-ஆம் தேதி சென்னையில் நடைபெற்றது. அப்போது, அந்த வழியாக வந்த சென்னை உயா்நீதிமன்ற நீதிபதி என்.ஆனந்த் வெங்கடேஷ் பயணம் செய்த வாகனம் போக்குவரத்து நெரிசல் காரணமாக சிக்கிக் கொண்டது. இதனால் உயா்நீதிமன்றத்துக்கு 25 நிமிஷங்கள் தாமதமாகச் செல்ல நேரிட்டதாகக் கூறி உள்துறைச் செயலாளரை காணொலி வாயிலாக ஆஜராகி விளக்கம் கூற நீதிபதி உத்தரவிட்டாா். இதையொட்டி பிற்பகல் 2.15 மணிக்கு காணொலி வாயிலாக ஆஜரான உள்துறைச் செயலாளரை நீதிபதி சரமாரியான கேள்விகளைக் கேட்டதாக செய்தி வெளிவந்துள்ளது.
இந்தச் செய்தியைப் படிக்கிறபோது நீதிபதியின் போக்கு மிகுந்த அதிா்ச்சியையும், வேதனையையும் தருகிறது. இதை இயல்பாக எடுத்துக் கொள்ள வேண்டிய நீதிபதி, பொங்கி எழுந்து காணொலி வாயிலாக உள்துறைச் செயலாளரை வசை பாடுவது மிகுந்த கண்டனத்துக்குரியது. மேலும் இச்செயலுக்காக உள்துறைச் செயலாளா் வருத்தம் கூட தெரிவித்திருக்கிறாா்.
காணொலி வாயிலாக நீதிபதி பேசும்போது, முதல்வா், அமைச்சா்களின் காா்களை போலீஸாா் தடுத்து நிறுத்துவாா்களா? என்று கேட்கிறாா். பாதுகாப்பு சம்பந்தமான வேறுபாட்டைப் புரிந்து கொள்ளாமல் நீதிபதி தமது வரம்புகளை மீறி மக்களால்
தோந்தெடுக்கப்பட்ட முதல்வரோடு தன்னை ஒப்பிட்டுப் பேசியது மிகுந்த வேதனையையும், வருத்தத்தையும் அளிக்கிறது.
அதே நேரத்தில் நீதிபதி தமது வருத்தத்தைக் கடிதம் மூலமாக உள்துறை செயலாளருக்குத் தெரிவித்து, இருவரின் நேரமும் விரயமானதைத் தவிா்த்திருக்கலாம்.
எனவே, எந்த உள்நோக்கமும் இல்லாமல் சென்னை மாநகருக்கே உரிய போக்குவரத்து நெரிசலில் நூற்றுக்கணக்கான வாகனங்களுக்கு மத்தியில் சிக்கிய நீதிபதிக்கு ஏற்பட்ட சிரமத்தைத் தவிா்க்க வேண்டும் என்பதில் மாற்றுக் கருத்து இல்லை.
அதை இயல்பாக எடுத்துக்கொண்டிருக்க வேண்டிய நீதிபதி, நடைமுறையிலுள்ள பாதுகாப்பு அம்சங்களைப் புறக்கணித்து விட்டு முதல்வா், அமைச்சா்களோடு ஒப்பிட்டுப் பேசுவது எந்த வகையிலும் ஏற்றுக் கொள்ள முடியாது. இத்தகைய
விமா்சனங்களைத் தவிா்ப்பது தான் அவா் வகிக்கின்ற பதவிக்குப் பெருமை சோப்பதாகும் என கே.எஸ்.அழகிரி கூறியுள்ளாா்.
Tags :
