இந்தியாவில் கொரோனா வைரஸ் தொற்று பாதிப்பால் ஒரே நாளில் 1072 பேர் உயிரிழப்பு
இந்தியாவில் ஒரே நாளில் 1,49,394 பேருக்கு கொரோனா வைரஸ் தொற்று உறுதி செய்யப்பட்டுள்ளது. நேற்றைய தொற்று எண்ணிக்கையை விட இது 13 சதவீதம் குறைந்துள்ளது.
இந்தியாவில் கொரோனா தொற்று பரவும் விகிதம் 9.27 சதவீதமாக உள்ளது.
இதன்மூலம், இந்தியாவில் கொரோனா பாதிப்பின் மொத்த எண்ணிக்கை 4,18,03,318-ல் இருந்து 4,19,52,712-ஆக உயர்ந்துள்ளது.
மேலும், இந்தியாவில் ஒரே நாளில் கொரோனா பாதிப்பில் இருந்து குணமடைந்து 2,46,674 பேர் வீடு திரும்பியுள்ளனர்.
இதனால் இந்தியாவில் குணமடைந்தோரின் மொத்த எண்ணிக்கை 3,95,11,307-ல் இருந்து 3,97,70,414-ஆக உயர்ந்துள்ளது.
கொரோனா பாதிப்பால் நேற்று ஒரே நாளில் 1072 பேர் உயிரிழந்துள்ளனர். இதன்மூலம் கொரோனாவால் உயிரிழந்தோரின் மொத்த எண்ணிக்கை 5,00,055-ஆக உயர்ந்துள்ளது.
மேலும், இந்தியா முழுவதும் கொரோனாவால் பாதிக்கப்பட்டு சிகிச்சை பெறுவோரின் எண்ணிக்கை 14,35,569-ஆக குறைந்துள்ளது.
இந்தியாவில் இதுவரை 168.47 கோடி பேருக்கு தடுப்பூசி செலுத்தப்பட்டுள்ளது என மத்திய சுகாதாரத் துறை அமைச்சகம் தெரிவித்துள்ளது.
Tags :
