7 லட்சம் சம்பளம் - ஸ்பைஸ்ஜெட் விமானிகளுக்கு ஊதிய உயர்வு
80 மணி நேரம் பறந்தால் 7 லட்சம் சம்பளம் வழங்கப்படும் என ஸ்பைஸ்ஜெட் விமானிகளுக்கான ஊதிய உயர்வை அறிவித்துள்ளது.முன்னணி விமான நிறுவனமான ஸ்பைஸ்ஜெட் விமானிகளுக்கான சம்பள உயர்வை அறிவித்துள்ளது. இதன்படி கேப்டன்களுக்கு 80 மணி நேரம் விமானம் ஓட்டுவதற்கு மாதம் ரூ.7 லட்சம் கிடைக்கும். புதிய ஊதிய விகிதம் நவம்பர் 1 முதல் அமலுக்கு வரும் என்று ஏஎன்ஐ செய்தி வெளியிட்டுள்ளது.
ஸ்பைஸ் ஜெட் விமானிகளின் அடிப்படை ஊதியத்தில் குறுகிய காலத்தில் பெரும் உயர்வு ஏற்பட்டுள்ளது. ஆகஸ்ட், செப்டம்பர் மாத சம்பளத்துடன் ஒப்பிடும்போது பயிற்சியாளர்களுக்கு 10% மற்றும் கேப்டன்கள் மற்றும் முதல் அதிகாரிகளுக்கு 8% வரை சம்பளம் அதிகரித்துள்ளது.
கேப்டன்கள் மற்றும் முதல் அதிகாரிகளுக்கான சம்பளம் அக்டோபர் மாதம் முதல் 22 சதவீதம் உயர்த்தப்பட்டுள்ளது. கோவிட் தொற்றுநோயால் நெருக்கடியில் இருந்த விமான நிறுவனங்கள் விமானிகள் உள்ளிட்ட ஊழியர்களை குறைத்ததோடு, ஒரு பகுதி ஊழியர்களுக்கு ஊதியம் இல்லாமல் விடுமுறை அளித்தன.
Tags :
