நாடாளுமன்ற குளிர்கால கூட்டத்தொடர் நாளை துவங்குகிறது.
நாடாளுமன்ற குளிர்கால கூட்டத்தொடர் நாளை துவங்குகிறது. மத்திய பாஜக ஆட்சியின் தோல்வியை சுட்டிக்காட்டி, எதிர்கட்சிகள் போர்க்கொடி உயர்த்த திட்டமிட்டுள்ளன. விலைவாசி உயர்வு, வேலையில்லா திண்டாட்டம், குறைந்தபட்ச ஆதரவு விலை உள்ளிட்ட விவசாயிகளின் பிரச்னைகள் முக்கிய பிரச்னைகளாக எழுப்பப்படும்.
பொருளாதாரச் சரிவு, வேலைவாய்ப்பு உறுதித் திட்டம் நலிவடைந்துள்ளது, பழங்குடியினரின் வன உரிமை போன்ற பிரச்னைகளும் முதல் சில நாட்களில் அவையில் எழுப்பப்படும். மின்சாரத் திருத்த மசோதா, தீங்கு விளைவிக்கும் தொழிலாளர் விதிமுறைகள், எய்ம்ஸ் சர்வர் க்ராஷ் உள்ளிட்ட சைபர் குற்றங்கள் போன்றவற்றில் கருத்து வேறுபாடு இருப்பதால், அவையை விவாதத்திற்காக ஒத்திவைக்க வேண்டும். அரசியலமைப்பு அமைப்புகளை வலுவிழக்கச் செய்தல், உச்ச நீதிமன்றத்தை அரசு எதிர்கொள்வது போன்ற பிரச்னைகளையும் எதிர்க்கட்சிகள் எழுப்பும்.
ஒன்றுக்கும் மேற்பட்ட மாநிலங்களில் செயல்படும் கூட்டுறவு சங்கங்களை கட்டுப்பாட்டுக்குள் கொண்டு வருவதை நோக்கமாகக் கொண்ட பல மாநில கூட்டுறவு சங்கங்கள் திருத்த மசோதா உட்பட 16 புதிய மசோதாக்களை குளிர்கால கூட்டத்தொடரில் அறிமுகப்படுத்த மத்திய அரசு இலக்கு வைத்துள்ளது.
Tags :
