வி.சி.க.வின் மது ஒழிப்பு மாநில மாநாடு இறுதிக்கட்ட பணிகள் திருமா நேரில் ஆய்வு..
கள்ளக்குறிச்சி மாவட்டம் உளுந்தூர்பேட்டையில் விடுதலைச் சிறுத்தைகள் கட்சியின் மது மற்றும் போதை பொருள் ஒழிப்பு மகளிர் மாநாடு நடைபெற உள்ளது இதற்கான பணிகள் கடந்த ஒரு வாரமாக முழு வீச்சில் நடைபெற்று வருகிறது இந்த நிலையில் தற்போது மாநாட்டின் இறுதிக்கட்ட பணிகளை விடுதலை சிறுத்தைகள் கட்சியின் தலைவரும் சிதம்பரம் நாடாளுமன்ற உறுப்பினருமான திருமாவளவன் தற்போது நேரில் பார்வையிட்டார்.இந்த ஆய்வின்போது மாநாட்டிற்கு வரும் பெண்களுக்கு போதிய பாதுகாப்பு வசதிகள் இருக்கை வசதிகள் செய்யப்பட்டுள்ளனவா,மற்றும் வாகனங்கள் நிறுத்துமிடம் போக்குவரத்து பொதுமக்களுக்கு இடையூறு இல்லாமல் உரிய முறையில் ஏற்பாடு செய்யப்பட்டுள்ளனவா எனவும்,நிகழ்ச்சியில் பங்கேற்கும் கூட்டணி கட்சி நிர்வாகிகள் மற்றும் முக்கிய நிர்வாகிகள் பங்கேற்கும் வகையிலும்,செய்தியாளர்களுக்கு தேவையான இட வசதி ஏற்பாடு செய்யப்பட்டுள்ளதா எனவும் மற்றும் காவல் துறையினரின் ஒத்துழைப்பு எவ்வாறு உள்ளது. என்பது போன்ற சந்தேகங்களை கட்சி நிர்வாகிகளிடம் கேட்டு அறிந்தார்.அப்பொழுது விடுதலை சிறுத்தை கட்சி பொதுச் செயலாளர்கள் துரை ரவிக்குமார் , சிந்தனைச் செல்வன் மற்றும் துணை பொது செயலாளர் ஆதவ அர்ஜுன் உட்பட கட்சியின் மாவட்ட ஒன்றிய நிர்வாகிகள் பலர் உடன் இருந்தனர்
Tags : வி.சி.க.வின் மது ஒழிப்பு மாநில மாநாடு இறுதிக்கட்ட பணிகள் திருமா நேரில் ஆய்வு..
