கர்னூலில் சுமார் ரூ.13,430 கோடி மதிப்பிலான பல மேம்பாட்டுத் திட்டங்களை பிரதமர் மோடி தொடங்கி வைத்தார்

இன்று, பிரதமர் நரேந்திர மோடி ஆந்திரப் பிரதேசத்தில் உள்ள கர்னூலில் சுமார் 13,430 கோடி ரூபாய் மதிப்பிலான பல மேம்பாட்டுத் திட்டங்களுக்கு அடிக்கல் நாட்டினார் மற்றும் அவற்றை நாட்டுக்கு அர்ப்பணித்தார். தொழில், மின் உற்பத்தி, சாலைகள், ரயில்வே, பாதுகாப்பு உற்பத்தி, பெட்ரோலியம் மற்றும் இயற்கை எரிவாயு போன்ற பல்வேறு முக்கிய துறைகளில் இந்தத் திட்டங்கள் அமைந்துள்ளன. 

₹2,880 கோடிக்கு மேல் மதிப்பிடப்பட்ட கர்னூல்-III பூலிங் ஸ்டேஷன் டிரான்ஸ்மிஷன் சிஸ்டம் வலுப்படுத்தும் திட்டத்திற்கு அடிக்கல் நாட்டினார். இது 6,000 MVA க்கும் அதிகமான பரிமாற்றத் திறனை அதிகரிக்கும்.
கர்னூலில் உள்ள ஓர்வகல் தொழிற்பேட்டை மற்றும் கடப்பாவில் உள்ள கொப்பர்த்தி தொழிற்பேட்டைக்கு அடிக்கல் நாட்டினார். இந்த இரண்டு இடங்களிலும், பிளக்-அன்ட்-ப்ளே உள்கட்டமைப்புடன் பல்துறை தொழிற்பேட்டைகள் அமைக்கப்படும்.
பாதுகாப்புத் துறையில், பெங்களூரு எலெக்ட்ரானிக்ஸ் லிமிடெட் (BEL) நிறுவனத்தின் மேம்பட்ட இரவு பார்வை தொழிற்சாலைக்கு அடிக்கல் நாட்டினார். இது நாட்டின் உற்பத்தித் திறனை மேம்படுத்தும்.
 தேசிய நெடுஞ்சாலைத் திட்டங்களின் கீழ் ₹1,140 கோடிக்கு மேல் மதிப்பிடப்பட்ட ஆறு புதிய சாலைத் திட்டங்களையும், ₹1,200 கோடிக்கு மேல் மதிப்பிடப்பட்ட ரயில்வே திட்டங்களையும் தொடங்கி வைத்தார். கூடுதலாக, ஸ்ரீகாகுளம்-அங்குல் இயற்கை எரிவாயு குழாய் மற்றும் சித்தூரில் உள்ள இந்தியன் ஆயில் கார்ப்பரேஷன் லிமிடெட்டின் எல்பிஜி பாட்டில் நிரப்பும் ஆலையையும் அர்ப்பணித்தார்.
 ஆந்திராவின் விரைவான வளர்ச்சியை மோடி பாராட்டினார், இது ஆத்மநிர்பர் பாரத் தொலைநோக்கு பார்வையில் ஒரு முக்கிய மையமாக உருவாகி வருவதாகக் கூறினார். ராயலசீமா பகுதி மற்றும் ஒட்டுமொத்த ஆந்திராவின் வளர்ச்சி நாட்டின் முன்னேற்றத்திற்கு மிக முக்கியம்  என்று பிரதமர் குறிப்பிட்டார்.

 தொழில்துறை வளர்ச்சியை அதிகரிக்கும் மற்றும் குடிமக்களின் வாழ்க்கை எளிமையை மேம்படுத்தும். மத்திய அரசின் முழு ஆதரவுடன் தொலைநோக்குப் பார்வை கொண்ட தலைமைத்துவம் இந்த மாநிலத்திற்கு இருப்பதாக பிரதமர் குறிப்பிட்டார். இந்தியாவின் முதல் AI மையத்தை கூகிள் மாநிலத்தில் நிறுவ உள்ளது என்று அவர் தெரிவித்தார்.

Tags :

Share via