உள்ளாட்சித் தேர்தல்: ஓ.பன்னீர்செல்வம் சுற்றுப்பயணம்
ஊரக உள்ளாட்சித் தேர்தலையொட்டி அதிமுக ஒருங்கிணைப்பாளர் ஓ.பன்னீர்செல்வம், மாவட்ட வாரியாக கட்சி நிர்வாகிகளுடன் ஆலோசனை நடத்த உள்ளார்.
9 மாவட்டங்களில் நடத்தப்படும் ஊரக உள்ளாட்சித் தேர்தலை, பாஜக கூட்டணியுடன் அதிமுக எதிர்கொள்கிறது. அதிமுக இணை ஒருங்கிணைப்பாளர் எடப்பாடி பழனிசாமி, 9 மாவட்டங்களிலும் கட்சி நிர்வாகிகளுடன் ஆலோசனை நடத்தி வருகிறார். கட்சியின் ஒருங்கிணைப்பாளரான ஓ.பன்னீர்செல்வம், மனைவியின் இறப்பு உள்ளிட்ட காரணங்களால் கடந்த ஒரு மாதமாக எந்த அரசியல் நிகழ்விலும் பங்கேற்காமல் உள்ளார்.
வெள்ளி முதல் அவர் அதிமுக நிர்வாகிகளுடன் ஆலோசனை மேற்கொள்கிறார். நாளை செங்கல்பட்டு - காஞ்சிபுரம் மாவட்டங்களிலும், இரண்டாம் தேதி ராணிப்பேட்டை, வேலூர், திருப்பத்தூர், கள்ளக்குறிச்சி மாவட்டங்களிலும், மூன்றாம் தேதியன்று விழுப்புரம், நெல்லை, தென்காசி மாவட்டங்களில் கட்சி தொண்டர்கள் நிர்வாகிகளுடன் தேர்தல் வியூகம் குறித்து ஆலோசிக்கிறார்.
Tags :
