ரஜினிகாந்த் பரிபூரண நலம் பெற வேண்டி கதிர்வேல் முருகன் கோயிலில் அங்கப் பிரதட்சணம் .
சூப்பர் ஸ்டார் ரஜினிகாந்த் பரிபூரண நலம் பெற வேண்டி கோவில்பட்டி சொர்ணமலை கதிர்வேல் முருகன் கோயிலில் அங்கப் பிரதட்சணம் செய்து மனமுருகி வழிபாடு நடத்திய ரஜினி ரசிகர்கள் கடந்த செப்டம்பர் 30ஆம் தேதியன்று நடிகர் ரஜினிகாந்தின் உடலில் ரத்த நாளத்தில் ஏற்பட்ட வீக்கம் மற்றும் பாதிப்பு காரணமாக சென்னை அப்போலோ மருத்துவமனையில் அனுமதிக்கப்பட்டு சிகிச்சை பெற்று வருகிறார்
. திடீர் உடல் நலக்குறைவு காரணமாக மருத்துவமனையில் சிகிச்சை பெற்று வரும் சூப்பர் ஸ்டார் ரஜினிகாந்த் பரிபூரண நலம் பெற்று விரைவில் வீடு திரும்ப வேண்டும் என அவரது ரசிகர்கள் மனம் உருகி பிரார்த்தனை மற்றும் சிறப்பு பூஜைகள் வழிபாடுகளில் ஈடுபட்டு வருகின்றனர்.
100 ஆண்டுகள் பழமை வாய்ந்த சொர்ணமலை கதிர்வேல் முருகன் திருக்கோயிலில் கோவில்பட்டி அனைத்து ரஜினி ரசிகர் மன்றங்கள் சார்பில் ஒருங்கிணைப்பாளர் சீனிவாசன் தலைமையில் நிர்வாகிகள் ஜெயக்கொடி, மகேஷ் பாலா, பாண்டியராஜ், கணேஷ், இந்துராஜ், ஐயப்பன், ரஜினி தங்க மாரியப்பன், முத்து மாரியப்பன், சந்தானம், வைரமுத்து, சோலை முருகன், ராஜீவ் காந்தி, குமார், செந்தில், மாரியப்பன் உள்ளிட்டோர் சூப்பர் ஸ்டார் ரஜினிகாந்த் நீண்ட ஆயுளும் நல்ல ஆரோக்கியமும் பெற வேண்டி கோயில் பிரகாரத்தில் அங்கப் பிரதட்சணம் செய்து வழிபாடு நடத்தினர். அதனைத் தொடர்ந்து
ரஜினிகாந்த் பெயருக்கு அர்ச்சனை செய்து சிறப்பு பூஜைகள் நடத்தினர். பொதுமக்களுக்கு மஞ்சள், குங்குமம் உள்ளிட்ட மங்கலப் பொருட்களை வழங்கினர்.
Tags :
